Au i dem Johr händ mir im erste Teil mit Konzertanter Brass Band Literatur üses Publikum verwöhnt. Nebst Marsch und Polka hend mer au Stuck us de Berich Filmmusik und Funk für gspielt.
Im zweite Teil hät sich s’Jugendensembel vo Kirchberg und Gähwil präsentiert. Es sind Jugendliche im Alter zwüschet 11 und 18 Johr uftrete und es isch schö gsi, z’gseh wie de Roman Ledergerber au i dem Johr wider es super Programm uf d‘ Bei gstellt het.
Im dritte und letschte Teil hend mer den e Zitreis i üsere Timemachine gmacht. Das bedütet, das mir i es par Zitepoche usem letschte Johrhundert greist sind, bis mir den am Schluss wieder in Gähwil aglangt sind… Dä Patric Schöneberger het den sogar en chline Usblick id Zuekunft für s’Publikum parat gha. Als OK Präsident vo üsem Jubiläumsfest im 2013 het er uf die bevorstehende Festtäg in Gähwil ufmerksam gmacht. Witeri Informatione dodezue findet Sie uf de Fest-Homepage www.auffahrtsziel.ch
Nicht eingeloggt